بقلم بوشعيب حمراوي – موطني نيوز
غالي في سمية ورخيص في السومة
لهبيل بنبطوش مول الطاسا والكاس
داير ليكوش وعايش زعامة موهومة
شكل عصابة تقتل وتعذب في الناس
بفلوس الغاز والنفط حياتو مدعومة
وشعب الجزائر عايش مقهور ومنداس
غالي في رحبة العبيد داير الزعامة
وسط الرجال ما يسوى شعرة راس
داير الصينية يجمع فلوس لغرامة
يكذب وينصب عايش لحاس ملاس
يبكي ويندب لا شرف لا كرامة
طامع في أرض ليها تاريخ وناس
سر البارح اكشف وزالت لغيومة
وبان الكذوب المسݣي في كياس بان لعدو والصديق و لكلاب المجحومة
وبانت جبهة العار الملݣطة من شلا اجناس
عصابة البوليساريو تفضحات ولات مدمومة
و الصحرا في مغربها محمية بجنود حراس
شحال گد المݣرد ما يكدد في العظومة
شحال ݣدو ما يحفر و يرون بالفاس
الثور لي غادي يركلك وتطيح كومة
مازال راجع خلفة يعبر ويشد لقياس
قبرك موجود في تندوف حفرة مردومة
لا شاهد لا بنية جثة مدفونة بلا راس
وقتك سالا .. وشطيحك تعفن خاصو غسالة
والكرغولي أول من غادي غبر ليك الساس
بالفاس والبالة يحفر ليك و يرميك في الزبالة
يشتف ويهايتف مفقوس منك و منغاس
لا صحرا ديتوها لا فلوس بقات ملمومة
احسن ليك تستسلم ومريضنا ما عنده باس
قصيدة زجلية من ديواني : لكلام المعجون